Uda amaitu da, eta laister, berriro hasiko dira Landarbaso Familiaren entseguak. Atseden hartzeko garaia izan bada ere, uda ez da geldirik egoteko garaia Landarbasorentzat. Azken hilabeteak bereziki biziak izan dira: Dizdizkako gazteek Italiatik egin zuten bira, taldea artistikoki hobetzeko eta hazitzeko aukera paregabea eskaini dio. Landarbasok, berriz, Suedian ospatutako World Choir Games txapelketan parte hartu eta urrezko bi domina lortu ditu.
Uda ahaztezin baten ondoren, orain ikasturte berriari ekiteko unea iritsi da. Landarbaso Familiako taldeek — Musikart, Kontari – Landarbaso, Dizdizka eta Landarbaso — laister ekingo diete entseguei, datozen hilabeteetako kontzertuak, proiektuak eta erronka berriak prestatzeko.
Ikasturte berriaren atarian, musika, lana eta elkarrekin abesteko gogoak izango dira berriro ere Landarbaso Familian nagusi.
