Zer da Landarbasoko Dizdizka?
2016ko otsailean gazte taldea sortu zen, aurretik ezagutza koralik ez zuten 35 gazterekin. Gaur egun 15 eta 25 urte bitarteko 33 abeslariz osatua dago.
Noiz jarri zen martxan proiektu hau?
Taldearen estreinaldia apirilaren 24an izan zen “Munduan I” proiektuan Errenteriako Fatima Elizan. Horren ondoren “Munduan II” kontzertuan, ekainaren 11an, parte hartze handiagoa izan zuten 5 abesti abestuz.
Zein izan da taldearen eboluzioa?
2017an taldea sendotu egin da, Beasaingo Musika Eskolako Narama Taldearekin egindako elkartruke artistikoaren emaitza ezinhobea ikusita. Era berean, taldekide batzuk Landarbaso Abesbatzaren kide bezala Donostiako Musika Hamabostaldiko bi emanalditan hartu dute parte “Carmina Burana” eta Josu Elberdinen “Te Deum” abestuz.
Eta etorkizun hurbilean?
2018an Euskaditik kanpo elkartruke bat egitea aurrikusten da. Horrez gain ekainaren 17an Errenteriako Madalena Basilikan eskainiko duten emanaldi berezia prestatzen ari dira.
ORDUTEGIA ETA KUOTA
- Ostirala 19.45tatik 21.00ak arte
- Kuota: 15 €/hilabetean
- Matrikula 50€ **
** (bazkideak dohan. Bazkide izateko, urteko kuota minimoa: 30€)
