Cantonigrosko Abesbatza Lehiaketa, 1998

antonigrosko Abesbatzen Nazioarteko Lehiaketa nire lehen esperientzia izan zen nazioarte mailako lehiaketa batetan. Banekien lehiaketa honetan aurkituko genuen mailak ez zuela zerikusirik izango ordura arte parte hartu genituenekoekin eta banekien baita ere lortu genezakeen emaitza ezin zitekeela aurretik nazio mailako lehiaketetan lortutakoen parekoa izan. Hasiera batean buruko “txip” aldaketa bat egin behar izan nuen “ohikoa” baino emaitza kaskarragoa lortzeak ekar ziezadakeen moral jaitsiera baten aurrean.

oralki oso biziera ederra izan zen eta batez ere aberasgarria. Beste abesbatzengandik jasotako hunkikortasuna gauzarik hoberenetarikoa izan zen. Asko ikasteko aukera izan genuen beste abesbatzengandik. Zerbait nabarmendu beharko banuke, gure abesbatzako partaideen artean lortutako elkartasun maila izango litzateke. Txundituta utzi ninduen beste gauza bat, beraien etxean onartu gintuzten bertako familiek eskaini ziguten adeitasuna izan zen. Adeitasun horren erakusgarri xehetasun asko egon ziren, gu beraien familiako beste partaide bat gehiago bagina bezala sentiaraziz.

maitzeko, oso esanguratsua iruditzen zaidana da Cantonigrosen bizitakoaz ez zaidala ezer txarrik bururatzen. Biziera hartaz, inoiz ahaztuko ez ditudan oroitzapen onak besterik ez dauzkat.

Igor Etxeberria